Государственный республиканский академический Уйгурский театр
музыкальной комедии им.К.Кужамьярова

«Нава» фольклор ансамбли паалийитидә уйғур хәлқиниң бебаһа сәньәт мираси – ЮНЕСКО тәрипидин қоғдалған мәдәний ядикарлиқлар тизимидин орун алған «12 муқам» алаһидә орун егиләйду

img-7 25 июня 2021

«Нава» фольклор ансамбли паалийитидә уйғур хәлқиниң бебаһа сәньәт мираси – ЮНЕСКО тәрипидин қоғдалған мәдәний ядикарлиқлар тизимидин орун алған «12 муқам» алаһидә орун егиләйду. Ансамбльниң асасий мәхсити – қедимий музыка мираслиримизни аммиға кәң тәрғип қилиш, уни асрап авайлап яш әвлатқа тәғдим қилиштин ибарәт. «Нава» ансамбли бу жәһәттин көплигән муқам кечиликлирини өткүзгән. Бүгүнки күндә ансамбль бир қатар муқамларни толуғи билән сәһниләштүрүп, елимиздә вә чәт әлләр тамашибинлири диққитигә намайиш қилмақта. Униңдин сирт, ансамбль репертуарида заманивий композиторларниң әсәрлири, шәриқ хәлиқлириниң нахша-уссуллири орун алған.  

Ансамбль бир нәччә қетим түрлүк хәлиқара конкурсларға, фестивальларға қатнишип лауреат аталди. Бүгүнки күндә ансамбль тәркивидики талантлиқ артистлар өз устазлириниң паалийәтлирини утуқлуқ давамлаштуриватиду. "Нава" фольклор  ансамбли мошу 2021 жили толуқ сәһниләштүрүлгән «Рак», «Чәпбаят», «Мушаврәк», «Чаргаһ» муқамлириниң премьерисини тамашибинлиримизға тәғдим қилиду. Мәзкүр муқамларниң («Рак», «Чәпбаят», «Мушаврәк») сәһнә вариантини язған – язғучи-драматург, ҚЖниң хизмәт көрсәткән әрбаби Әхмәтжан Һаширий. Сәһниләштүргән -  ҚЖниң хәлиқ артисти Мурат Әхмәдиев. Рәссам – Гөзәл Мамединова. Уссулларни сәһниләштүргән – Эльмира Сәйдуллаева, Гүлбәһрәм Турдиева һәм Эльдар Абдуллаев. («Чаргаһ» муқамини сәһниләштүргән – Эльдар Абдуллаев.)

Лайиһә муәллипи - Мурат Әхмәдиев