Государственный республиканский академический Уйгурский театр
музыкальной комедии им.К.Кужамьярова

Сәһнидә — «Тәнһа юлтуз»

10 декабря 2020

Йеқинда Қ.Ғоҗамияров намидики Дөләт академиялик Уйғур музыкилиқ-комедия театри тамашибинлиримизға исми көпчиликкә тонулған өзбәк драматурги Нурулло Аббосхонниң «Тәнһа юлтуз» намлиқ җиддий комедиясини тәғдим қилди.

Рашидәм МИРЗӘХМӘТОВА,
«Уйғур авази»

Әсәрни уйғур тилиға тәрҗимә қилған Баһаргүл Әхмәдиева. Спектакльда асасий җәһәттин оғлини өйләп, қизини талалиқ қилған ялғуз аяллар оттурисидики бир-биригә болған сәмимий достлуқ өз ипадисини тапқан. Үч қәдинас дост бир-бири билән бүгүнки күндә көплигән аялларни ойландуруватқан һәрхил мәсилиләрни күлкилик сюжетлар асасида айдиңлаштуриду. Спектакль давамида достларниң һаятида күтүлмигән вақиәләр йүз беришкә башлайду. Баш қәһриман Үмүдә (Б.Әхмәдиева, «Құрмет» ордениниң саһиби) өзи охшаш Шөһрәт (артист Ғ.Тохтибақиев, «Мәдениет қайраткері» бәлгүсиниң саһиби) исимлиқ ялғуз кишигә ашиқ болиду. Шөһрәтму уни яқтуриду. Лекин һәр иккиси өз һиссиятлирини ипадиләшкә җүрьәт қилалмай жүргәндә, студентлиқ дәвридин қәдинас болған достлири Манзурә – (артист Р.Һәмраева, «Мәдениет саласының үздігі» бәлгүсиниң саһиби), Жәмилә (артист З.Нәсирдинова, «Мәдениет саласының үздігі» бәлгүсиниң саһиби) уларниң мәңгү биллә болушини йеқиндин қоллап, ахири һәммисиниң арзулири әмәлгә ашиду. Әсәр муәллипи Н.Аббосхон инсан һаятидики қийинчилиқ, қариму-қаршилиқларға бәрдашлиқ берип, бу қисқа һаятта адәмләрни бир-биригә меһриван болуп, пәқәт яхшилиқ қилишқа, мәналиқ яшашқа үндәйду. Күлкилик вақиәләр билән биллә, бүгүнки күндә пат-пат учришидиған көңүлсиз ишларниң ипадиси болмиш ата-аниниң қәдригә йәтмәй, уларниң һалидин хәвәр алмай, шуниң сәвәвидин ялғузлуқта роһий азап чекиватқан адәмләрниң һаятиму әкис етилгән. Мәзкүр әсәрдики Күндәшму (артист С.Норузова, җумһурийәтлик «Жас Алаш» конкурсини дипломанти) бирдә күлкилик, бирдә қайғу билән алмишидиған вақиәләрни техиму җанландуриду. Спектакльни сәһниләштүргән режиссер һәм музыкисини рәтлигүчи – Қазақстан Җумһурийитиниң хизмәт көрсәткән әрбаби, «Құрмет» ордениниң саһиби Ялқунҗан Шәмиев. Сценография вә кийим-кечәкләр бойичә рәссам — «Ерен еңбегі үшін» медалиниң саһиби, «Еңлікгүл» мукапитиниң лауреати Гөзәл Мәмединова һәмкарлиқта сәһнигә йол тартқан бу әсәр, өзиниң заманивийлиғи, актуаллиғи билән тамашибинлиримиз қизиқип көридиған спектакли болидиғиниға ишәнчимиз камил.

Источник: uyguravazi.kazgazeta.kz


Вернуться на уровень выше